Səhiyyə Nazirliyi, Azərbaycan Tibb Universiteti, Elmi Tədqiqat Mama-Ginekologiya İnstitutu və İctimai Səhiyyə və İslahatlar Mərkəzinin birgə təşkilatçılığı və Uptodate in Medicine texniki dəstəyi ilə 15 aprel 2023-cü il Bakı şəhərində keçiriləcək “Mama-Ginekologiya, Reproduktiv sağlamlıq və Qadın Sağlamlığı üzrə I Bakı Beynəlxalq Konfransı”na hər birinizi dəvət etməkdən məmnunluq duyuruq.
Konfrans zamanı beynəlxalq və yerli ekspertlərin çıxışı zamanı bir çox vacib mövzuların müzakirəsi aparılacaqdır.
Konfrans zamanı elmi tədqiqatların nəticələrinə dair poster və şifahi təqdimatlar da təşkil ediləcəkdir.
Bütün təqdim edilmiş abstrakt və məqalələr Konfransın Elmi Komitəsi tərəfindən dəyərləndiriləcəkdir.
Qəbul edilmiş Abstraktların Toplusu nəşr olunacaq və məqalələr Mama-Ginekologiyanın və Perinatologiyanın Aktual Problemləri Jurnalında və Azərbaycan Tibb Universitetinin Jurnalında dərc ediləcəkdir.